കുഞ്ഞോളങ്ങള്‍ 1

1 .ആദ്യാക്ഷരങ്ങള്‍ ...........
ഇത് ആത്മകഥ അല്ല. ആത്മകഥ എഴുതനായ് ഞാനൊരു മഹാനുമല്ല. കുത്തഴിഞ്ഞ എന്റെ ജീവിതത്തിന് എന്ത് ആത്മകഥ? ചില ബാല്യ കാല ഓര്‍മകള്‍ നിങ്ങളുമായ് പങ്കുവയ്ക്കുന്നു.സൗഹൃദം വെടി പറഞ്ഞിരിക്കുമ്പോള്‍ എനിക്കു പറയാനുള്ളതാണ് ഇതൊക്കെ……….

പലപ്പോഴും ആ സംഭവങ്ങള്‍ എന്റെ ജീവിതത്തിന്റെ നേര്‍ക്കുള്ള തിരിഞ്ഞു നോട്ടമായിരുന്നു. ഈ ഓര്‍മ്മകള്‍ എന്നെ നിരവധി തവണ അലട്ടിയിട്ടുണ്ടൂ.അതെന്നെ ഒരു കാല്പനികനാക്കി മാറ്റിയിട്ടുണ്ടായിരിന്നു എന്നു ഞാന്‍ തിരിച്ചറിയുന്നു.ചിലതു അവ്യക്തമായതാണ്.പക്ഷെ ഇന്നും അതിനു സ്വര്‍ണ്ണത്തിളക്കമാണ്.സുഗന്ധമുള്ള ആ ഓര്‍മ്മകളെ ഞാന്‍ ആരുമറിയാതെ പ്രേമിച്ചിരുന്നു,ലാളിച്ചിരുന്നു,ഓമനിച്ചിരുന്നു.എന്നെ കൊഞ്ഞനം കാട്ടി ചിരിക്കുന്ന അവയെ ഞാനിന്നും കുഞ്ഞികണ്ണാലെ അത്ഭുതത്തോടെ മാത്രമെ നോക്കി കാണാറുള്ളൂ.നിറമുള്ള ആ ഓര്‍മകള്‍ നിങ്ങള്‍ക്കായ് ഞാന്‍ പകര്‍ത്തുന്നു.ചിലപ്പോള്‍ ചിരി തോന്നിയേക്കാം ചിലപ്പോള്‍ നൊംബരപ്പെടുത്താം, ചിലപ്പോള്‍ എന്നോടൊപ്പം സഞ്ചരിച്ചേക്കാം……….

അച്ചന്റെ മടിയിലിരുന്നു ആദ്യാക്ഷരങ്ങള്‍ കുറിച്ചതു ഇന്നും ഞാന്‍ നന്നായി ഓര്‍ക്കുന്നു.എന്റെ ജീവിതത്തിന്റെ ആദ്യാക്ഷരങ്ങളും. എന്റെ വിദ്യാഭ്യാസ ജീവിതത്തിന്റെ ഓര്‍മ്മകളില്‍ ഒളിമങ്ങാത്ത ആദ്യത്തെ ചിത്രവും അതു തന്നെ ആയിരുന്നു .പിന്നീടു നിലത്തെഴുത്തു പഠിക്കാന്‍ പോയതും,കൂട്ടുകാരോടൊത്തു പൂഴിമണ്ണു രുചിയോടെ തിന്നതും അക്ഷരമെഴുതി തെറ്റിയതിനു റ്റീച്ചര്‍ അടിച്ചതും ,അതു ചോദിക്കാനയി എന്റെ അചന്റെ അമ്മ (പ്രസവിച്ചതു അമ്മയാണങ്കിലും വളര്‍ത്തിയതു അച്ചന്റെ അമ്മയായിരുന്നു)എന്നേയും കൂട്ടി റ്റീച്ചറിനോടു വഴക്കിട്ടതും അത് എനിക്കു സന്തോഷം ഉണ്ടാക്കിയതും,അവിടുത്തെ പഠനം നിര്‍ത്തിയതും എല്ലം ഇന്നു ഓര്‍ക്കുമ്പോള്‍ ചിരിവരുന്നു.അക്കാലത്തു എന്റെ അച്ചന്റെ അമ്മയുടെ കൈവശം ധാരാളം “അമ്പിളി അമ്മാവന്‍ ” മാസിക ഉണ്ടായിരുന്നു. അതിലെ വിക്രമാദിത്യന്റേയും വേതാളത്തിന്റേയും കഥകള്‍ എനിക്കു വായിച്ചു തന്നതു അച്ചന്റെ അമ്മയായിരുന്നു. ആ കഥകള്‍ കേട്ട ബാലനാകാം പില്‍ക്കാലത്തു സാഹിത്യം ഇഷ്ട പെട്ടത്.പിന്നീടു എന്റെ പഠനം മുളവന ഗവ:എല്‍.പി എസ്സില്‍ ആയിരുന്നു. അവിടെ എന്റെ പുതിയ കൂട്ടുകാര്‍ .അധ്യാപകര്‍,ഓര്‍മ്മകള്‍………..പിന്നെ അവളും….ആ ഉണ്ടക്കണ്ണിയും…...