......കണക്കുകൂട്ടലുകള്‍ തെറ്റിപ്പോയ, കണക്കറിയാത്ത ഞാന്‍, ഇന്നും എന്റെ അത്ഭുതമാണ് ! പ്രിയപ്പെട്ട നല്ല പകുതിയില്‍ രണ്ടു "കുസൃതി കുടുക്കകള്‍"എനിക്ക് സമ്പാദ്യമായുണ്ട്.ജീവിതത്തിന്റെ രണ്ടറ്റം കൂട്ടി മുട്ടിക്കാന്‍ പ്രയത്നിക്കുന്നതിനിടയില്‍ സമയം കിട്ടുമ്പോള്‍ ഉള്ള കിറുക്കാണ് ഇതിലെ വരകള്‍.........

Thursday, June 17, 2010

കുഞ്ഞോളങ്ങള്‍ -5

ഒടുവില്‍ ഒരു ദിവസം .....
പിന്നീടു ഞാന്‍ പുതുതായി എത്തിയ സ്കൂളില്‍ അവള്‍ ഉണ്ടാകുമെന്ന് പ്രതീക്ഷിച്ചു.ഇല്ല എന്റെ പുതിയ കൂട്ടുകാര്‍ക്കിടയില്‍ അവള്‍ മാത്രമുണ്ടായിരുന്നില്ല.!എല്ലാ ദിവസവും മുന്‍പ് പഠിച്ച സ്കൂളിനരികിലൂടെ പോകുമ്പോള്‍ എന്റെ കണ്ണുകള്‍ അവള്‍ക്കായ്‌ തേടുകയായിരുന്നു.മനസ് നിറയെ വിങ്ങലായിരുന്നു.യാത്രപോലും ചോദിക്കാതിരുന്ന നൊമ്പരം.....ഒരു പക്ഷെ പുതിയ കൂട്ടുകാരെ കിട്ടിയ സന്തോഷത്തിലായിരിക്കാം അവള്‍.പരിഭവമില്ല,എന്നെ മറക്കാതിരുന്നാല്‍ മതിയായിരുന്നു.അത് മാത്രമായിരുന്നു എന്റെ പ്രാര്‍ത്ഥന.മലയാളം പാഠാവലിയിലെ "ആദാമിന്റെ മകന്‍ അബു" എന്ന പാഠഭാഗത്ത്‌ പെറ്റു പെരുകുമെന്നു മോഹിച്ചു മാനം കാണിക്കാതെ സൂക്ഷിച്ചു കൊണ്ട് നടന്ന മയില്‍‌പ്പീലി തുണ്ട് ഒരു ദിവസം കാണാതായപ്പോഴായിരുന്നു ഇത്ര വലിയ ഒരു വേദന ഉണ്ടായത്.വര്‍ഷങ്ങള്‍ ഇത്രയും കഴിഞ്ഞിട്ടും ഇന്നും ഞാന്‍ ആഗ്രഹിക്കുന്നു എവിടെയെങ്കിലും ഒന്ന് കണ്ടിരുന്നെങ്കില്‍ ആ നാലാം ക്ലാസ്സുകാരായി ഒരിക്കല്‍ കൂടി മാറാമായിരുന്നു! അവളും ഇതുപോലെ ആഗ്രഹിച്ചിട്ടുണ്ടാകുമോ...?
എന്റെ പ്രാര്‍ത്ഥന ഒടുവില്‍ ഫലിച്ചു.! ഏകദേശം അഞ്ചു വര്‍ഷങ്ങള്‍ക്കു മുന്‍പ് എന്റെ സുഹൃത്തിന്റെ വിവാഹ നിശ്ചയ ചടങ്ങില്‍ പങ്കെടുക്കാനായി ചെന്നപ്പോള്‍ അകലെ നിന്ന്, ഭര്‍ത്താവിനോടൊപ്പം നടന്നു വരുന്ന അവളെ ഞാന്‍ കണ്ടു.! എന്റെ നെഞ്ഞിടിപ്പ്‌ വര്‍ധിച്ചു.വര്‍ഷങ്ങള്‍ക്കു ശേഷം എന്നെ കാണുമ്പോഴുള്ള സന്തോഷത്താല്‍ സൗഹൃദം പങ്കിടാന്‍ അരികിലെത്തുന്ന അവളെ സങ്കല്‍പ്പിച്ചുകൊണ്ട്‌ ഞാന്‍ അങ്ങനെ നില്‍ക്കെ....ഭര്‍ത്താവിനെ ചേര്ന്നുരുമി അനുസരണയുള്ള ഭാര്യയെപ്പോലെ ആ പൂമ്പാറ്റ - ഇല്ല കാലം അവളില്‍ ഒരുപാടു മാറ്റങ്ങള്‍ വരുത്തിയിരിക്കുന്നു....- നടന്നു വരുന്നു.എന്റെ കണ്മുന്നിലൂടെ അവള്‍ പതിയെ ഒരു അപരിചിതയെ പോലെ കടന്നു പോയി,ഒരു പുഞ്ചിരിപോലും തൂകാതെ ....! സങ്കല്പ്പകൊട്ടരം എന്റെ മുന്നില്‍ തകര്‍ന്നു വീണു ഒരു ചാര കൂമ്പാരമായി മാറി.ഒരുപക്ഷെ അന്നത്തെ നീണ്ടു മെലിഞ്ഞ പയ്യന്റെ ഇന്നത്തെ രൂപ മാറ്റം അവള്‍ തിരിച്ചറിഞ്ഞിട്ടുണ്ടാവില്ല എന്നു ഞാന്‍ ആശ്വസിച്ചു.
"അന്നെനിക്കൊട്ടും മനസുഖമില്ലെന്റെ
ചന്ദന പമ്പരം എങ്ങോ കളഞ്ഞു പോയ്‌ "

2 comments:

  1. This comment has been removed by the author.

    ReplyDelete
  2. oduvil oru divasam katha nannayittundu . kunju prayathile eshtappedunna mugangale ariyathe polum nammal oru mayil peele pole olippichu vekkanum onnu ormikkanum aara kothikathatu . manassle mazhavillupol nee ennakatharilum a kunju ormakal oru thennalennapol thalodayi veendum njana kunju nalilekku orikal koodi thirichu poyi. keep writing rajesh . wd lov devu .

    ReplyDelete