......കണക്കുകൂട്ടലുകള്‍ തെറ്റിപ്പോയ, കണക്കറിയാത്ത ഞാന്‍, ഇന്നും എന്റെ അത്ഭുതമാണ് ! പ്രിയപ്പെട്ട നല്ല പകുതിയില്‍ രണ്ടു "കുസൃതി കുടുക്കകള്‍"എനിക്ക് സമ്പാദ്യമായുണ്ട്.ജീവിതത്തിന്റെ രണ്ടറ്റം കൂട്ടി മുട്ടിക്കാന്‍ പ്രയത്നിക്കുന്നതിനിടയില്‍ സമയം കിട്ടുമ്പോള്‍ ഉള്ള കിറുക്കാണ് ഇതിലെ വരകള്‍.........

Wednesday, November 23, 2011

അവള്‍ കാത്തിരിക്കുകയാണ്

അവള്‍ കാത്തിരിക്കുകയാണ് ....

അജിത്‌ വരുമെന്ന് അവള്‍ക്കുറപ്പുണ്ടായിരുന്നു.ഒരു ദിവസത്തില്‍ കൂടുതല്‍ മിണ്ടാതിരിക്കാന്‍ അവന് കഴിയില്ല.
എന്നാല്‍ ഇന്ന് ഒരാഴ്ച ആയിരിക്കുന്നു! ഇന്റെര്‍നെറ്റിലൂടെ മാത്രമേ അജിത്തിനെ അവള്‍ക്കു പരിചയം ഉള്ളൂ.ചാറ്റിലൂടെ വാചാലനായി സംസാരിക്കുന്ന അവന്റെ നിഷ്കളങ്കമായ കുസൃതിയിലും അവള്‍ നല്ല ഒരു സുഹുര്‍ത്തിനെ കണ്ടെത്തുക ആയിരുന്നു.പലപ്പോഴും അവള്‍ മറുപടി ടൈപ്പാന്‍ വൈകുമ്പോള്‍ അജിത്ത് വല്ലാതെ ദേഷ്യം പിടിക്കുന്നത്‌ ആദ്യമൊക്കെ അവള്‍ക്കു അരോചകം ആയിരുന്നു.പിന്നീടു അവന്റെ മറുപടിയും വൈകുമ്പോള്‍ അവളും അക്ഷമ കാണിക്കാന്‍ തുടങ്ങി.

"നിന്നെ ഞാന്‍ വല്ലാതെ വിശ്വസിക്കുന്നു."ഒരിക്കല്‍ അവള്‍ അവനോടു പറഞ്ഞു.
"എന്നെ വിശ്വസിക്കരുത്.ഞാന്‍ നിന്നെ ചതിക്കും .അദൃശ്യമായ ഈ കാണാ ലോകത്ത് എന്നെ എന്നല്ല ആരെയും വിശ്വസിക്കരുത്. " എന്നായിരുന്നു അവന്റെ മറുപടി.
"ഇല്ല. നിനക്കെന്നെ ചതിക്കാന്‍ കഴിയില്ല." അവള്‍ ബലമായി വിശ്വസിച്ചു.
അപ്പോള്‍ അവന്‍ ചാറ്റിലൂടെ പൊട്ടിച്ചിരിച്ചത് അവള്‍ക്കു കേള്‍ക്കാമായിരുന്നു.
"പോടാ....." അവള്‍ക്കു ദേഷ്യം വന്നു.
അപ്പോഴും അവന്റെ പൊട്ടിച്ചിരി.

ആ സൌഹൃദം കാട്ടുതീ പോലെ ആയിരുന്നു! ഇന്റര്‍നെറ്റ്‌ ലോകത്തിന്റെ കാപട്യത്തിന് ഒരു മറുപടി ആയിരുന്നു അ സൌഹൃദം .
"നീ ഏന്തേ എന്റെ ഫോണ്‍ നമ്പര്‍ ചോദിച്ചില്ല ഇതുവരെ ?"അവളായിരുന്നു അജിത്തിനോട് ചോദിച്ചത് .
"വേണ്ട.എനിക്ക് വേണ്ട." അവന്‍ നിരസിച്ചു .
"അതെന്താ"?!!! അവള്‍ അത്ഭുതത്തോടെ ചോദിച്ചു.
അതിനു വ്യക്തമായ മറുപടി അവന് ഉണ്ടായിരുന്നു.
"ചാറ്റില്‍ സംസാരിക്കുന്നത് പോലെ എനിക്ക് ഫോണില്‍ സംസാരിക്കാന്‍ കഴിയില്ല.പരസ്പരം കാണാതെ,പരസ്പരം കേള്‍ക്കാതെ ഉള്ള ഈ കൂട്ട് മതി.ഇങ്ങനെ കാണാതെ,കേള്‍ക്കാതെ ഉള്ള കൂട്ടുകെട്ടിന് പറഞ്ഞറിയിക്കാന്‍ കഴിയാതെ ഉള്ള ഒരു സുഖം ഉണ്ട്."
"ഉം" അവള്‍ മറുപടി ഒരു മൂളലില്‍ ഒതുക്കി.

ഒരാഴ്ച മുന്‍പ് അവന്‍ വല്ലാതെ അകലം പാലിച്ചു കണ്ടു.ഒറ്റ വാക്കില്‍ ഉത്തരങ്ങള്‍...
"എന്താടാ നീ എന്നോട് മിണ്ടാത്തത്...." അവള്‍ക്കു വല്ലാത്ത വിഷമം ഉണ്ടായിരുന്നു.
പെട്ടെന്നായിരുന്നു അവന്റെ മറുപടി....
"ഞാന്‍ നിന്നെ ചതിച്ചു......."
പിന്നെ ഒരു നീണ്ട മൌനം ......
"നമുക്ക് ഇനി മിണ്ടാതിരിക്കാം..." അജിത്‌ .
"എന്തിനു....എന്തിനു നമ്മള്‍ മിണ്ടാതിരിക്കണം ...." അവള്‍ വിതുംബിയോ...?
"വെറുതെ......വെറുതെ....." അവന്‍ പുലമ്പിക്കൊണ്ടിരുന്നു...
"വേണ്ടടാ....നമുക്ക് മിണ്ടാതെ ഇരിക്കണ്ട....നിനക്ക് കഴിയുമോ അങ്ങനെ ആകാന്‍......?"....അവള്‍.
"കഴിയണം......" അവന്‍ തീരുമാനിച്ചു കഴിഞ്ഞു....
"ബൈ ....." അവന്‍ ചാറ്റ് കട്ട്‌ ചെയ്തു......
അവള്‍ വല്ലാതെ കേണു പോയി......
എല്ലാ ദിവസവും അവള്‍ വന്നു വിളിക്കും....ഒന്ന് മിണ്ടാടാ... എന്നു കേണു പറയും...
പക്ഷെ അവന്‍ പ്രതികരിച്ചിരുന്നില്ല..! മരണം മനുഷ്യരെ ചിലപ്പോള്‍ വില്ലാനായി എത്തി വല്ലാതെ അകറ്റും..ബസ്സിന്റെ രൂപത്തില്‍ കോരി ചൊരിയുന്ന ആ മഴ അവന്റെ ജീവന്‍ പ്രകൃതിയില്‍ അലിഞ്ഞു ചേര്‍ന്നത്‌ അറിയാതെ ഇന്നും അവള്‍ വന്നു വിളിച്ചു....
"ഹലോ...."
"ഹലോ...."
................
"ഇനി ഞാന്‍ വരില്ല.....നീ വന്നു വിളിക്കാതെ...."

അവള്‍ വന്നു നിത്യവും വന്നു വിളിക്കുന്നത്‌ അജിത്‌ കാണുന്നുണ്ട് മറ്റൊരു അദൃശ്യ ലോകത്ത് നിന്നും.
എന്നിട്ടും അവള്‍ കാത്തിരുന്നു..അവന്‍ വരുമെന്ന പ്രതീക്ഷയില്‍.......!!

4 comments:

  1. aashamsakal........... PLS VISIT MY BLOG AND SUPPORT A SERIOUS ISSUE...........

    ReplyDelete
  2. ഈ നായകന്‍ ഞാനല്ലേ എന്ന് ഒരു മാത്ര ഞാന്‍ ചിന്തിച്ചു പോയി ...സ്നേഹാശംസകള്‍ ചേട്ടാ

    ReplyDelete
  3. nalla kadha chetta. eniyum ezhuthuka.

    ReplyDelete
  4. a wonder full story............

    ReplyDelete